बाबा ने रिझाने चाला बाबा की नगरिया
बाबा ने रिझाने चाला बाबा की नगरिया
बाबा ने रिझाने चाला,
बाबा की नगरिया,
म्हाने बाबो है बुलावे,
हेलो बैठ्यो बैठ्यो काडे,
म्हारो सांवरियो सांवरियो।।
बाबो म्हारे साथ ध्वजा में,
चाले सागे सागे,
पगथलियाँ पर जोर ना म्हारो,
बाबा कानी ही भागे,
भगतां की है भीड़ घनेरी,
भगतां की है भीड़ घनेरी,
सबने श्याम ही भावे जी,
ना ही कोई साहुकार,
ना ही कोई बनिया,
म्हाने बाबो है बुलावे,
हेलो बैठ्यो बैठ्यो काडे,
म्हारो सांवरियो सांवरियो।।
भाव भरा म्हे भजन सुना के,
ऐसो रंग जमास्यां,
भर पिचकारी दर पे म्हे थारे,
रंग गुलाल उड़ास्यां,
चाकरियो थारो रख लीजो,
चाकरियो थारो रख लीजो,
चरणा में रम जास्याँ जी,
मुलक निहारूं थाने,
आई शुभ घड़ियां,
म्हाने बाबो है बुलावे,
हेलो बैठ्यो बैठ्यो काडे,
म्हारो सांवरियो सांवरियो।।
चौखट पर थारी पांव जमा के,
धोक पसर के लगास्यां,
छांव तले फिर बैठ के थारी,
मन की बात बतास्यां,
लाड़ दुलार को थारो खजानो,
लाड़ दुलार को थारो खजानो,
भर भंडार म्हे पास्यां जी,
‘नेहा’ पे लुटावे बाबो,
प्रेम की गागरिया,
‘प्रतीक’ पे लुटावे बाबो,
प्रेम की गागरिया,
म्हाने बाबो है बुलावे,
हेलो बैठ्यो बैठ्यो काडे,
म्हारो सांवरियो सांवरियो।।
बाबा ने रिझाने चाला,
बाबा की नगरिया,
म्हाने बाबो है बुलावे,
हेलो बैठ्यो बैठ्यो काडे,
म्हारो सांवरियो सांवरियो।।